مصروناسها

عادل حامد.

فريد شوقي عن عمله المستمر مع المليجي
قال فريد شوقي : محمود المليجي كان النجم الوحيد زي ما قلت عمل 750 فيلم.
فكان بيشتغل في الشهر اربع خمس افلام. فكان لما يعني يضيق عليه الخناق قوي والمنتجين طالبينه والمخرجين طالبينه. كان دايما يرشحني للادوار الفائضة منه ،

يعني يقول لهم في ولد جديد طالع اسمه” فريد شوقي” ابن حلال ورخيص وكويس وهيقول وهيأدي اللي انتم عاوزينه بالزبط. فكنت باخد ادوار الفائضة الكسيرة من “محمود المليجي”
او مثلا يقول لك النجم الرئيسي اللي بياخد جوابات” فاتن حمامة او شادية. وعماد حمدي او محسن او يحيى شاهين “.
وبعدين الجوابات ياخدها باقي الابطال في الاخر
عملت تلاتين اربعين فيلم في الشكل ده

لكن فكرت اني اغير الكارير بتاعي او الاتجاه بتاعي. وابتديت انتج من اول فيلم الاسطى حسن
وما فيش فيلم انتجته ,
إذا مثلا كنت انتجت “خمس وثلاثين” فيلم الى الان محمود المليجي مشترك معي في “خمس وعشرين” فيلم منهم.