طيب إيه سبب تسميتها باسم “بولا…

كتب / عادل حامد

وكان ايه سبب انفصالها عن أزواجها التلاته وياترى مين هما..ومين هو ابنها الوحيد واللي شبها بالظبط..وكان ايه وصيتها الغريبة لابنها كل ده هتعرفوه وأكتر تابعونا..نادية لطفي تعتبر واحدة من أبرز نجمات الزمن الجميل.. بسبب جمالها الطاغي وملامحها الهادية..وبسبب اسمها الغريب ده .. اترددت أخبار كتير إنها من أصل بولندي.. لكنها نفت المعلومة دي.. وأكدت إن والدها ووالدتها مصريين.. وإن والدتها اسمها فاطمة ومن محافظة الشرقية..نادية لما اتولدت سنة 1937 في مستشفى حي عابدينفي اليوم ده قرر والدها يسميها”بولا” على اسم الراهبة اللي ساعدت زوجته في ولادتها في المستشفى القبطي…كبرت نادية وأخدت دبلومة المدرسة الألمانية في مصر سنة 1955.. وبعدها دخلت مجال الفن بالصدفة.. ففي سهرة إجتماعية قابلت المنتج رمسيس نجيب، واللي شاف فيها بطلة فيلمه الجديد “سلطان” مع الفنان فريد شوقي، وده كان سنة 1958، لكن بسبب غرابة اسمها قرر يغيره واختار لها اسم “نادية لطفي”، وهو اسم بطلة رواية “لا أنام” للكاتب الكبير إحسان عبد القدوس…اتجوزت نادية لطفي 3 مرات في حياتها.. الزوج الأول كان ابن الجيران الظابط البحري عادل البشاري.. ولما اتجوزته كان عندها 20 سنة، ووافقت نادية على الجواز منه علشان تهرب من والدها وولدتها.. بسبب انهم كانو رافضين تماما شغلها في المجال الفني…اتجوزو وعاشهو في تبات ونبات وربنا رزقهم بإبنهم أحمد..بعد كده جوزها بيسافر استراليا علشان شغله كان هنام..نادية رفضت تسافر وماستحملتش وقررت تنفصل عنهواحتفظت بحضانة ابنها…وبعد شهور مضيعتش وقت وقررت تتجوز منالمهندس إبراهيم صادق وهو أخو زوج بنت الرئيس جمال عبد الناصر.. واستمر جوازهم 6 سنين.. لكنها اتفاجأت بجهاز تصنت في بيتها، وماقدرتش تعرف هل هي المقصودة ولا جوزها، وده اتسبب في حالة توتر شديدة بينها وبين جوزها انتهت بالانفصال…أما جوزها التالت والأخير فكان من محمد صبري شيخ المصورين في مؤسسة دار الهلال…كنهم انفصلوا بعد شهور قليلة من جوازهم، بسبب التسرع في خطوة الجواز، فبعد جوازهم اكتشفوا إن طباعهم مختلفة تماما..نادية قررت تعتزل الجواز بعد كده..وقررت تتفرغ لفنها وابنها.. اللي اتخرج من كلية التجارة واشتغل في مجال البنوك..صحيح نادية ليها ابن واحد فقط .. لكن ليها 3 حفيدات من ابنها الوحيد، وهم “جاسمين وريحان وسلمى…